ويطول الصمــــــــــــــــــت ........

السلام عليكم ورحمة الله وبركاته

يطول الصمت وسط قلبي .. ويعاندني بغرور إنسان
ندمت يوم إني أخفيته .. هوى قلبك .. نظر عيني

أنا أحبك .. أنا أعزك .. أنا أعترف غلطان
كتمت الحب وضايقتك .. وهذي غلطة سنيني

رميت حرفك أنا ما أنكر .. رميته داخل الوجدان
أنا ما أجحد أبد حب نساني هموم فيني

أنا كذبي ما هو غلطة .. أنا أخاف من النكران
أخاف بيوم تجحدني .. وتطعني بسكاكيني

وصفت غيرك غصب عني .. لجل حبي أبد ما يبان
أحاول أخفي أشواقي .. رغم إنها تعاديني

طلبتك لا تبرهن بأساليبي كل ما كان
حتى لو شفتني بعينك .. طلبتك لا تجافيني

أنا بعتك .. وشراك مني .. قلبي الشفقان
وصكوك الحب تثبت لك أنك دوم تعنيني

لا تلوم الوقت بظلمي .. أنا جازيتك بنكران
ولكن سبب هجري لجل ما تضيع من إيديني

أشوف الناس وأتناساك .. وأنا لك حيل ولهان
وأحاول أكتمه حبي .. وتفضحني به عيني

وإذا بالحب تعب قلبك .. أنا قلبي منه غرقان
متى يرسي على شطك .. متى تصفح وتصافيني ؟

وإذا الكره علاج قلبك .. هلا بالكره بلا إستئذان
وإذا يشفي لك جروحك .. طلبتك تكفى .. جافيني

إنت غير كل الكون .. ما مثلك أبد إنسان
حسافة قلبك الطيب .. ضيعته من يديني

منـــــــــــــقول

وتقبلوا فائق إحترامي وتقديري

أسير الصمت